Kif tapplika

L-applikanti li jixtiequ jsiru Partit Politiku Ewropew jew Fondazzjoni Politika Ewropea jistgħu japplikaw għal reġistrazzjoni.

Ladarba jkunu rreġistrati, il-Partiti Politiċi Ewropej u l-Fondazzjonijiet Politiċi Ewropej igawdu rikonoxximent ġuridiku fl-Istati Membri kollha u jistgħu japplikaw għall-finanzjament mill-baġit ġenerali tal-Unjoni Ewropea.

Għandha titressaq applikazzjoni għar-reġistrazzjoni lill-Awtorità.

Applikazzjoni għar-reġistrazzjoni bħala Fondazzjoni Politika Ewropea għandha titressaq biss permezz tal-Partit Politiku Ewropew li miegħu l-applikant huwa formalment assoċjat.

Flimkien mal-applikazzjoni għandu jkun hemm:

• dokumenti li juru li l-applikant jissodisfa l-kundizzjonijiet stabbiliti fl-Artikolu 3 tar-Regolament (UE, Euratom) 2025/2445, inkluża dikjarazzjoni formali standard fil-forma stabbilita fl-Anness I tar-Regolament (UE, Euratom) 2025/2445;

• l-istatuti tal-partit jew tal-fondazzjoni, li jinkludu d-dispożizzjonijiet meħtieġa mill-Artikoli 4 u 6 tar-Regolament (UE, Euratom) 2025/2445, inklużi l-annessi rilevanti u, fejn applikabbli, id-dikjarazzjoni tal-Istat Membru tas-sede msemmija fl-Artikolu 20(2) tar-Regolament (UE, Euratom) 2025/2445;

• informazzjoni dwar l-identità tal-persuni li huma membri ta' korpi jew li jokkupaw karigi li huma mogħtija setgħat ta' rappreżentanza amministrattiva, finanzjarja u legali;

• informazzjoni supplimentari jew dokument ta' sostenn li jippermetti lill-Awtorità tivvaluta l-applikazzjoni.

Ladarba tiġi sottomessa, l-Awtorità teżamina l-applikazzjoni sabiex tiddetermina jekk l-applikant jissodisfax il-kundizzjonijiet u r-rekwiżiti għar-reġistrazzjoni.

L-applikazzjonijiet għandhom jintbagħtu lill-Awtorità bil-posta u wkoll b'mod elettroniku fl-indirizz tal-email hawn taħt.