Conas iarratas a dhéanamh

Is féidir le hiarratasóirí ar mian leo a bheith ina bPáirtí Polaitiúil Eorpacha nó ina bhFondúireacht Pholaitiúil Eorpach iarratas a dhéanamh ar chlárú.

Ach iad a bheith cláraithe, tairbhíonn Páirtithe Polaitiúla Eorpacha agus Fondúireachtaí Polaitiúla Eorpacha d'aitheantas dlíthiúil i ngach Ballstát, agus is féidir leo cur isteach ar mhaoiniú ó bhuiséad ginearálta an Aontais Eorpaigh.

Déanfar iarratas ar chlárú a chomhdú leis an Údarás.

Maidir le hiarratas ar chlárú mar Fhondúireacht Pholaitiúil Eorpach, is tríd an bPáirtí Polaitiúil Eorpach lena bhfuil an t-iarratasóir cleamhnaithe go foirmiúil, agus tríd sin amháin, a dhéanfar an t-iarratas a chomhdú.

Beidh an méid seo a leanas ag gabháil leis an iarratas:

• doiciméid lena gcruthaítear go gcomhlíonann an t-iarratasóir na coinníollacha a leagtar síos in Airteagal 3 de Rialachán (AE, Euratom) 2025/2445, lena n-áirítear dearbhú foirmiúil caighdeánach san fhoirm a leagtar amach in Iarscríbhinn I de Rialachán (AE, Euratom) 2025/2445;

• reachtanna an pháirtí nó na fondúireachta, ina bhfuil na forálacha a cheanglaítear le hAirteagail 4 agus 6 de Rialachán (AE, Euratom) 2025/2445, lena n-áirítear na hiarscríbhinní ábhartha agus, i gcás inarb iomchuí, ráiteas Bhallstát na suíochána dá dtagraítear in Airteagal 20(2) de Rialachán (AE, Euratom) 2025/2445;

• faisnéis maidir le céannacht na ndaoine atá ina gcomhaltaí de chomhlachtaí nó a bhfuil oifigí acu ar a bhfuil cumhachtaí ionadaíochta riaracháin, airgeadais agus dlíthiúla dílsithe;

• faisnéis fhorlíontach nó doiciméad tacaíochta a chuirfidh ar chumas an Údaráis an t-iarratas a mheas.

Nuair a bheidh sé curtha isteach, scrúdóidh an tÚdarás an t-iarratas chun a chinneadh an gcomhlíonann an t-iarratasóir na coinníollacha agus na ceanglais maidir le clárú.

Ba cheart iarratais a sheoladh chuig an Údarás tríd an bpost agus freisin go leictreonach chuig an seoladh ríomhphoist thíos.