Awtorità għall-Partiti Politiċi Ewropej u
l-Fondazzjonijiet Politiċi Ewropej

Donazzjonijiet u kontribuzzjonijiet

Abbażi tal-esperjenza fl-applikazzjoni prattika tar-Regolament (UE, Euratom) Nru 1141/2014 (ir-"Regolament") matul dawn l-aħħar snin, l-Awtorità għall-Partiti Politiċi Ewropej u l-Fondazzjonijiet Politiċi Ewropej (l-"Awtorità") tagħmel ħilitha biex tipprovdi aċċess għal sett ta' elementi ta' gwida mhux eżawrjenti għall-partiti politiċi Ewropej u l-fondazzjonijiet politiċi Ewropej. L-ebda gwida pprovduta mill-Awtorità ma taffettwa l-karattru direttament vinkolanti tar-Regolament (UE, Euratom) Nru 1141/2014. Barra minn hekk, tali gwida se tibqa' soġġetta għall-adattament hi hu tkompli tinbena l-esperjenza u/jew ikompli jinbidel il-qafas leġiżlattiv.


Treatment of VAT in relation to donations

    • The ceiling of EUR 18 000 per year and donor laid down in Article 20(1) of Regulation (EU, Euratom) No 1141/2014 relates to the amount that remains with the recipient of the donation.

    • If a European political party or foundation receives from a donor in a given year an amount that exceeds EUR 18 000 only because VAT is included, evidence has to be provided as soon as possible, and at the latest at the time of the earliest following VAT declaration to national tax authorities, that the amount exceeding EUR 18 000 is being transferred onward to the Member State in question as a matter of tax obligation.

    • If such a VAT amount is later, for any reasons, returned to the European political party or foundation from the national authorities, the Authority may still have to impose a sanction pursuant to Article 27(2) of Regulation (EU, Euratom) No 1141/2014, as the received donation would then exceed the EUR 18 000 ceiling provided in Article 20(1) of Regulation (EU, Euratom) No 1141/2014.

    • The Authority also reserves the right to control whether the application of VAT is an indication of services offered to the payee in return, which a European political party or foundation may offer only if and to the extent compliant with Regulation (EU, Euratom) No 1141/2014.

Forom ta' donazzjonijiet u kontribuzzjonijiet

  • Skont l-Artikolu 2(7) tar-Regolament (UE, Euratom) Nru 1141/2014, id-definizzjoni ta' "donazzjoni" tinkludi mhux biss pagamenti diretti fi flus iżda wkoll pagamenti indiretti permezz ta' "kwalunkwe tranżazzjoni oħra li tikkostitwixxi vantaġġ ekonomiku għall-partit politiku Ewropew, bl-eċċezzjoni ta' kontribuzzjonijiet mill-membri". Dan jista' jinkludi tranżazzjonijiet bejn partijiet terzi li jeħilsu lil partit politiku Ewropew jew lil fondazzjoni politika Ewropea minn pagamenti li altrimenti kienu jiġu pprovduti mill-partit politiku Ewropew jew mill-fondazzjoni politika Ewropea.
  • Rati ta' skont: F'konformità mal-Artikolu 2(7) u (8) tar-Regolament, il-forniment ta' oġġetti, servizzi (inkluż self) jew xogħlijiet bi prezz taħt il-valur tas-suq jikkostitwixxi donazzjoni jew, jekk ipprovdut minn membru rikonoxxut mir-Regolament bħala tali kontribuzzjoni. Jekk u sa fejn dan ikun il-każ, japplikaw ir-regoli ta' notifika u limitazzjoni relatati ma' donazzjonijiet u kontribuzzjonijiet, kif stabbiliti b'mod partikolari fl-Artikolu 20 tar-Regolament.

  • Madankollu, mhux l-iskontijiet kollha jikkostitwixxu donazzjonijiet jew kontribuzzjonijiet skont it-tifsira tar-Regolament: f'dan ir-rigward, jeħtieġ li jiġu vvalutati l-firxa u l-ambitu tal-iskont. B'mod aktar speċifiku, sabiex jiġi ddeterminat jekk il-forniment ta' oġġetti, servizzi u xogħlijiet bi prezz skontat għandux jiġi kkwalifikat bħala donazzjoni jew kontribuzzjoni, għandu jiġi kkunsidrat:

    • jekk l-iskont jibbenefikax lill-partit politiku Ewropew jew lill-fondazzjoni politika Ewropea b'mod speċifiku, jew li jagħtihom vantaġġ aktar minn oħrajn (li jkun indikattiv ta' donazzjoni jew kontribuzzjoni), għall-kuntrarju ta' benefiċċju bl-istess mod għal grupp ta' klijenti potenzjali definiti minn qabel abbażi ta' kriterji oġġettivi (pereżempju, skont mogħti lill-"NGOs" kollha) u, fi kwalunkwe każ,

    • jekk l-iskont jikkuntrastax mal-prinċipji tas-suq rikonoxxuti b'mod ġenerali (pereżempju, il-forniment ta' oġġett jew servizz taħt il-kost) (li jkun indikattiv ta' donazzjoni jew kontribuzzjoni).

Miżuri korrettivi

  • Il-miżuri korrettivi huma opportunità għall-partiti politiċi Ewropej u għall-fondazzjonijiet politiċi Ewropej biex jirrimedjaw ċerti sitwazzjonijiet ta' ksur qabel ma l-Awtorità tiddeċiedi dwar sanzjoni u tippubblikaha.

  • Madankollu, il-miżuri korrettivi mhumiex maħsuba biex jevitaw il-konsegwenzi tan-nuqqas ta' konformità. Għalhekk, ħlief għal żbalji purament klerikali jew aritmetiċi jew ħlief għal żbalji minuri, il-miżuri huma "rimedju għas-sitwazzjoni" skont it-tifsira tal-Artikolu 29 tar-Regolament (UE, Euratom) Nru 1141/2014 biss jekk, fiż-żmien raġonevoli indikat mill-Awtorità fil-każ individwali:
    • jiżguraw b'mod effettiv konformità tardiva mar-rekwiżit li kien ikollu jiġi rispettat diġà (dan jista' jkun -- skont iċ-ċirkostanzi tal-każ individwali -- ħlas ta' ammont li kien ikollu jiġi żborżat jew irkuprat f'data aktar bikrija), u barra minn hekk,
    • ikun fihom miżuri strutturali robusti u verifikabbli li jipprevjenu okkorrenza mill-ġdid fil-futur (dawn jistgħu jkunu -- skont iċ-ċirkostanzi tal-każ individwali -- miżuri pedagoġiċi interni għall-persunal, tħassir ta' kuntratti li ħolqu l-kwistjoni ta' konformità, komunikazzjoni lill-partiti membri eċċ.).

  • L-implimentazzjoni tal-miżuri korrettivi hija kwistjoni ta' segwitu kontinwu. B'mod partikolari, jekk miżura korrettiva tkun diġà ttieħdet darba minn partit politiku Ewropew jew minn fondazzjoni politika Ewropea fil-konfront ta' rekwiżit, huwa essenzjali li fil-futur huma jikkonformaw magħha. Għaldaqstant, sitwazzjoni simili ta' ksur mill-istess partit politiku Ewropew jew fondazzjoni politika Ewropea ma tistax tiġi "rimedjata" għat-tieni darba bl-istess miżuri korrettivi. Se jkunu mistennija miżuri korrettivi mtejba b'mod sinifikanti minn partit politiku Ewropew jew minn fondazzjoni politika Ewropea li kellhom opportunitá preċedenti li jaġġustaw il-proċessi tagħhom għal kwistjoni ta' konformità simili mingħajr ma jkunu ġarrbu sanzjoni.

Donazzjonijiet uniċi

  • F'konformità mal-Artikolu 20(4) tar-Regolament (UE, Euratom) Nru 1141/2014, il-partiti politiċi Ewropej u l-fondazzjonijiet politiċi Ewropej għandhom jirrappurtaw immedjatament lill-Awtorità d-"donazzjonijiet uniċi" li jaqbżu t-EUR 12 000.

  • L-Awtorità se tivvaluta abbażi ta' każ b'każ jekk anki diversi pagamenti minn donatur uniku jikkwalifikawx bħala "donazzjoni unika".

    • Dan jista' jkun il-każ, b'mod partikolari, meta jkun hemm ftehim preliminari mad-donatur, speċifikament għal donazzjoni unika, iżda l-pagament inqasam f'diversi partijiet.

    • Fil-każ ta' pagamenti spontanji separati mill-istess donatur, l-Awtorità normalment ma tqisx lil dawn il-pagamenti bħala "donazzjoni unika" li tirrikjedi notifika immedjata meta l-ammonti akkumulati jaqbżu t-EUR 12 000 (mingħajr preġudizzju għar-rekwiżiti ta' rappurtar regolari matul il-proċess tal-kontijiet annwali).

Donazzjonijiet – attribuzzjoni

  • Donazzjonijiet riċevuti minn partiti politiċi Ewropej u fondazzjonijiet politiċi Ewropej fis-sena N+1, jistgħu biss f'ċirkostanzi speċifiċi ħafna jiġu attribwiti minn dawn tal-aħħar għas-sena N.
  • Sabiex tali attribuzzjoni għas-sena N tiġi aċċettata mill-Awtorità, il-partiti politiċi Ewropej u l-fondazzjonijiet politiċi Ewropej jeħtiġilhom jipprovdu dokumentazzjoni li turi li d-donatur kien diġà impenja ruħu qabel is-sena N+1 li se jħallas id-donazzjoni inkwistjoni, u li kien hemm ftehim infurzabbli li d-donazzjoni se titħallas fis-sena N.
  • Tali dokumentazzjoni trid tintbagħat lill-Awtorità diġà fis-sena N, anke jekk il-pagament mid-donatur ikun għadu ma seħħx, eż. ftehim ta' donazzjoni jew kwalunkwe arranġament kuntrattwali sottostanti, impenn unilaterali, ordni ta' pagament, komunikazzjoni f'dan is-sens, pereżempju permezz ta' ittra u/jew email, fattura eċċ.

Donatur effettiv

  • Fil-valutazzjoni tal-legalità tad-donazzjonijiet fl-ambitu tal-Artikolu 20 tar-Regolament (UE, Euratom) Nru 1141/2014, l-Awtorità jeħtieġ li tivverifika u tiddetermina l-identità eżatta tad-donatur f'każ li jkunu involuti aktar minn persuna jew entità waħda fl-għoti ta' tali donazzjoni.

  • Dan jista' jkun il-każ, pereżempju, f'sitwazzjoni fejn entità legali waħda fi grupp ta' kumpaniji tkun f'kuntatt dirett mal-partit politiku Ewropew jew mal-fondazzjoni politika Ewropea dwar id-donazzjoni, filwaqt li entità oħra fl-istess grupp ta' kumpaniji fl-aħħar mill-aħħar twettaq il-pagament rilevanti.

  • F'sitwazzjoni bħal din, l-Awtorità se tibbaża ruħha fuq il-kunċett tad-"donatur effettiv", jiġifieri tivvaluta l-oriġini effettiva tal-pagament fi ħdan il-grupp ta' kumpaniji kkonċernati. F'dan il-kuntest, l-Awtorità se tqis, fost oħrajn, il-fatturi segwenti:

    • Liema entità kienet direttament involuta fil-ħolqien tal-bażi ġuridika għall-pagament (eż. innegozjat il-ftehim ta' sponsorizzazzjoni)?

    • Din l-entità kellha d-dritt teżerċita d-diskrezzjoni tagħha rigward il-kontenut tal-ftehim u l-modalitajiet ta' pagament?

    • X'kienu r-rwol u r-responsabbiltà tal-entità l-oħra involuta? Aġixxiet biss ta' fornitur ta' servizzi ta' pagament jew kellha rwol ta' responsabbiltà fil-ftehim sottostanti?
  • Fi kwalunkwe każ, l-ebda persuna jew entità involuta fil-proċess ta' donazzjoni (sew jekk oriġinatur sew jekk pagatur) ma tista' tkun f'sitwazzjoni pprojbita mill-Artikolu 20(5) tar-Regolament (UE, Euratom) Nru 1141/2014.

Oriġini tad-donazzjonijiet - "Iklaħħaq id-donatur tiegħek"

  • Pagamenti mhux tal-UE: Il-Qorti Ġenerali tal-Unjoni Ewropea ċċarat li l-partiti stabbiliti barra mill-UE ma jistgħux jitqiesu bħala partiti politiċi fis-sens tar-Regolament (UE, Euratom) Nru 1141/2014 minħabba li mhumiex magħmula minn ċittadini tal-Unjoni (Sentenza tal-25 ta' Novembru 2020, ACRE vs Il-Parlament, il-kawża T-107/19), u għalhekk ma jistgħux jagħmlu kontribuzzjonijiet lill-partiti politiċi Ewropej. Fl-Artikolu 20 tar-Regolament (UE, Euratom) Nru 1141/2014 hemm stabbilita projbizzjoni ta' donazzjonijiet riċevuti mingħand awtoritajiet pubbliċi, entitajiet privati jew mingħand individwi minn pajjiż terz.
  • Biex tiġi impedita l-aċċettazzjoni involontarja ta' pagamenti, b'mod partikolari minn

    • awtoritajiet pubbliċi u entitajiet li fuqhom tali awtorità pubblika tista' teżerċita influwenza dominanti (ipprojbita mill-Artikolu 20(5)(c) tar-Regolament u soġġetti għal sanzjoni f'każ ta' ksur), jew

    • sorsi ta' pajjiżi terzi (ipprojbiti mill-Artikolu 20(5)(d) tar-Regolament u soġġetti għal sanzjoni f'każ ta' ksur), partiti politiċi Ewropej u fondazzjonijiet politiċi Ewropej huma mħeġġa, qabel jaċċettaw donazzjoni, jiksbu informazzjoni affidabbli u preċiża dwar id-donatur tagħhom, inkluż b'mod partikolari
    • dwar il-pajjiż ta' residenza jew is-sede, u
    • fil-każ ta' entitajiet ġuridiċi, anki minn min huma kkontrollati dawn l-entitajiet (pereżempju permezz tad-dokumenti kostituttivi, l-istatuti, eċċ.).
  • Tali informazzjoni għandha tkun riflessa fil-mudell korrispondenti ta' rappurtar tal-Awtorità u, f'każ ta' donazzjonijiet li jaqbżu t-EUR 12 000, fir-rappurtar immedjat.

Obbligi ta’ rappurtar ta’ qabel l-elezzjoni

  • L-Artikolu 20(3) tar-Regolament (UE, Euratom) Nru 1141/2014 jipprevedi li "[...] donazzjonijiet riċevuti minn partiti politiċi Ewropej u minn fondazzjonijiet politiċi Ewropej fi żmien sitt xhur qabel l-elezzjonijiet tal-Parlament Ewropew għandhom, kull ġimgħa, ikunu rrappurtati bil-miktub lill-Awtorità, u skont il-paragrafu 2".

    • Dan ir-rekwiżit ta' rappurtar aġġornat jippermetti lill-Awtorità twettaq kontrolli ta' konformità għaddejja fid-dawl tal-limitazzjonijiet imposti fuq id-donazzjonijiet mill-Artikolu 20 tar-Regolament (UE, Euratom) Nru 1141/2014, u biex kontinwament tiġi aġġornata l-pubblikazzjoni tad-donazzjonjiet f'konformità mal-Artikolu 32 tar-Regolament (UE, Euratom) Nru 1141/2014.
    • Perjodu rilevanti: L-elezzjonijiet tal-2024 tal-Parlament Ewropew se jsiru bejn is-6 u d-9 ta' Ġunju 2024. Dan ifisser li l-perjodu ta' sitt xhur stabbilit fl-Artikolu 20(3) tar-Regolament (UE, Euratom) Nru 1141/2014 se jibda mis-6 ta' Diċembru 2023 u jibqa' għaddej sal-5 ta' Ġunju 2024, inkluż dik id-data.
  • Implikazzjonijiet prattiċi: Ir-rappurtar aġġornat matul il-perjodu msemmi hawn fuq jikkonsisti mir-rekwiżit, applikabbli kemm għall-partiti politiċi Ewropej kif ukoll għall-fondazzjonijiet politiċi Ewropej, li jikkomunikaw lill-Awtorità, kull ġimgħa, id-donazzjonijiet kollha li rċevew, irrispettivament min-natura u l-valur tagħhom.

    • "Donazzjonijiet"; ir-rekwiżit ta' rappurtar aġġornat japplika għad-donazzjonijiet kollha, mhux biss għal dawk li jaqbżu t-EUR 12 000. Fid-dawl tad-definizzjoni wiesgħa li tinsab fl-Artikolu 2(7) tar-Regolament (UE, Euratom) Nru 1141/2014, l-Awtorità ġentilment tfakkar li ppubblikat fuq is-sit web tagħha elementi speċifiċi ta' gwida fir-rigward tal-kamp ta' applikazzjoni tat-terminu donazzjonijiet (ara hawn fuq).
    • "Riċevuti": Fil-perjodu ta' żmien indikat hawn fuq, id-donazzjonijiet riċevuti jeħtieġ li jiġu rrappurtati lill-Awtorità kull ġimgħa. Konsegwentement, il-partiti politiċi Ewropej u l-fondazzjonijiet politiċi Ewropej jeħtieġ li jinfurmaw lill-Awtorità, irrispettivament minn jekk dawk id-donazzjonijiet jiġux irritornati aktar tard lill-oriġinatur bis-saħħa tal-Artikolu 20(6) tar-Regolament (UE, Euratom) Nru 1141/2014. Jekk jogħġbok innota li dan ir-rappurtar bikri ma jaffettwax ir-rekwiżit komplementari li l-partiti politiċi Ewropej u l-fondazzjonijiet politiċi Ewropej jivverifikaw u jirritornaw fuq inizjattiva tagħhom stess donazzjoni li l-aċċettazzjoni tagħha ma tkunx konformi mar-Regolament (UE, Euratom) Nru 1141/2014, fil-limitu ta' żmien ta' 30 jum impost mill-Artikolu 20(6) tar-Regolament (UE, Euratom) Nru 1141/2014. Jekk id-donazzjonijiet jiġu rritornati aktar tard lill-oriġinatur, l-Awtorità għandha tiġi infurmata b'dan addizzjonalment, sabiex tkun tista' titqies din l-informazzjoni għall-kontrolli tal-konformità tagħha u l-korrezzjoni tal-pubblikazzjonijiet fuq is-sit web tal-Awtorità.
    • "Kull ġimgħa": Sabiex jiġi limitat il-piż amministrattiv fuq il-partiti politiċi Ewropej u l-fondazzjonijiet politiċi Ewropej, l-Awtorità se tassumi li partit politiku Ewropew jew fondazzjoni politika Ewropea ma jkunu rċevew l-ebda donazzjoni f'ġimgħa partikolari jekk l-Awtorità ma tirċievi l-ebda komunikazzjoni f'dan ir-rigward sal-ewwel jum tax-xogħol tal-ġimgħa ta' wara. Dan ma jeskludix il-possibbiltà ta' verifika.
  • Ksur tal-Artikolu 20(3) tar-Regolament (UE, Euratom) Nru 1141/2014 minħabba nuqqas ta' rappurtar f'waqtu tad-donazzjonijiet huma sanzjonabbli skont l-Artikolu 27(2)(a)(iii) tar-Regolament (UE, Euratom) Nru 1141/2014, soġġetti għall-Artikolu 29 tar-Regolament (UE, Euratom) Nru 1141/2014.